A Rôh hôp, pôa Lê Minh Hưng, Ngế pro xiâm hnê ngăn tơnêi têa tối tiah kố tung pơla lâp plâi tơnêi ai hên tơdroăng ki ôh tá tơniăn, tơpui kâ hiăng tơrŭm krá tơniăn ƀă mâu khu lêng rak vế tơdroăng ki hơniâp lĕm, tơniăn ‘na tơdroăng cheăng kal kí ƀă tơniăn tung lâp pơlê pơla. Khu xiâm tơpui kâ tơ’lêi tâ tung tơnêi têa ƀă a kong têa ê cho tơdroăng ki pơxúa tơxup tơbriât dêi Việt Nam tâng pơchông ƀă hên kong têa ki ê, pro ivá pơkâ ăm tơdroăng mơnhông tơnêi têa.

Tung la ngiâ ah, pôa Lê Minh Hưng, Ngế pro xiâm hnê ngăn tơnêi têa pơkâ thế kơvâ cheăng tơpui kâ pơhlêh tíu ối a kong têa ê chiâng ivá cheăng mơnhông tơnêi têa. Pôa Lê Minh Hưng, Ngế pro xiâm hnê ngăn tơnêi têa pơkâ thế kơvâ cheăng tơpui kâ athế khŏm mơ-eăm tâ nếo tung pơhlêh, túa pêi cheăng; ‘nâi nhên tơdroăng, tối tơbleăng mơnhên, hbrâ rơnáu pâ thế mâu khu hnoăng cheăng athế troăng hơlâ pêi pro nhên vâ tí tăng ‘nâi plĕng ăm Đảng, Tơnêi têa, ăm Chin phuh.