Tơdroăng tơkêa bro troăng kân ăm phêp rơxế kơtâu têi Chí Thạnh – Vân Phong ai tâi tâng kơlo liăn mơ’no vâ chê 11.000 rơtal liăn, xua Khu pơkuâ tơdroăng tơkêa bro 7 pơkuâ mơ’no liăn. Troăng kân xŏn dâng 48 km, a ko tơdjêp ƀă troăng kân ăm phêp rơxế kơtâu têi Quy Nhơn – Chí Thạnh; tíu mơ’nui tơkoh ƀă Troăng kân tơnêi têa 1 (cheăm Hòa Xuân), tơdjêp troăng djâ peăng Kơnhŏng tung kơdâm tơnêi Đèo Cả ƀă troăng kân ăm phêp rơxế kơtâu têi Vân Phong – Nha Trang.

Tơmeăm dế tung hneăng vâ pêi kêi đeăng, rêm hâi mâu khu ki mơjiâng pro pơtroh rơxế kơmăi kơmok rơtế hrĭng ngế kŏng nhân, kih sư mơjiâng pro. Tơdroăng tơkêa bro tiô tối hdrối kêi đeăng troăng a hâi lơ 10/2 la ngiâ (hdrối Têt Lo hơnăm nếo Bính Ngọ), vâ koh phiu ro Hneăng hôp má XIV dêi Đảng; tơdrêng amê gum kêi đeăng troăng kân ăm phêp rơxế kơtâu têi Peăng Kơnhŏng – Peăng Hdroh, pro tơdroăng mơnhông ki kal mơdêk tơdjêp troăng klông ƀă mơnhông cheăng kâ – rêh ối pơlê pơla kong pơlê Dak Lak.