Kơxo lơ 19/1, tung tơdroăng hâk ro ‘na Hneăng hôp kăn teăng mâ lâp tơnêi têa roh má XIV dêi Đảng, Đoân Droh rơtăm cơ quan Khu xiâm Đoân droh rơtăm Kŏng san Hồ Chí Minh hiăng tơkŭm po kân krip Leh koh hlá cơ phiu ro Hneăng hôp a Khu xiâm Đoân. Sap ing tíu xiâm mơ’no hyôh mơđah tơbleăng Hneăng hôp, hnó pêi pro hnê mơhno dêi Khu xiâm Đoân, mâu râ Khu xiâm Đoân tung lâp tơnêi têa, ing cheăm, bêng, pơlê kân, kơpong cheăng kâ troh mâu hngêi trung hiăng rơtế tơkŭm po Leh koh hlá cơ.

Tơdroăng mơhno tuăn pâ, loi tơngah ƀă hnoăng cheăng dêi rơxông nếo ƀă Đảng ƀă Tơnêi têa, tơdrêng amê mơnhên tơdroăng môi tuăn, tơdâng tơ’mô tung tơdroăng pêi pro dêi khu cheăng Đoân. Kố xuân cho tíu ki pơxiâm ăm roh hôp kal kí trâu hơngế, gum tơ’nôm troăng tơmiât kăch măng, tơbêng hiâm mơno pôu râng hnoăng cheăng ƀă hlê plĕng dêi kuăn pơlê dêi rơxông hơnăm ối nếo mâu troăng pơkâ pêi kân dêi tơnêi têa.