VOV4.Xơ Đăng -  lơ 22/2 hiăng tơkŭm po ‘’Leh kĭ tơkêa Mơ-éa chôu vế tơrŭm cheăng mơjiâng hngêi kơmăi rơkê pơla Khu xiâm pơkuâ Kơmăi kơmok tê mơdró ƀă Samsung Việt Nam’’ ƀă pơkâ xiâm hnê mơjiâng 100 ngế rơkê Việt Nam ƀă tŏng kum hnê mơhno, rơnêu bro hôm tâ hdrối 50 khu tê mơdró xúa hngêi kơmăi rơkê tung 2 hơnăm (2022 - 2023) vâ mơdêk ivá cheăng rơkê dêi khu mâu ngế pêi cheăng ki hnê mơhno tung tơnêi têa, mơnhông mơdêk ivá pơkuâ mơjiâng tơmeăm khoăng tiô troăng xúa kŏng ngê̆ thông tin dêi khu tê mơdró.

Leh kĭ tơkêa mơ-éa chô vế tơrŭm cheăng mơjiâng hngêi kơmăi rơkê

Xông tơpui a roh leh, pôa Nguyễn Hồng Diên, Ngế xiâm pơkuâ Kơmăi kơmok ƀă tê mơdró tối, tơdroăng môi pâ xêh xúa mâu kơmăi kơmok tung hngêi kơmăi ôh tá xê ƀă tơdroăng kô mơjiâng troăng mơjiâng tơmeăm xúa kơmăi kơmok ƀă pơkuâ xêh, pơkâ thế ai tơdroăng tơdjêp tơniăn tŭm tơdroăng pêi cheăng tung dế ƀă pakong khu tê mơdró, ing tơdroăng pơkâ tơdroăng pêi troh pơkâ tơdroăng ki rôe.

A Sa Ly tơplôu ƀă tơbleăng