VOV4.Xơ Đăng - Ƀă 100% kăn teăng mâ ai mâ môi tuăn, Vi ƀan pơkuâ Kuô̆k hô̆i hiăng tơbleăng ăm pêi pro Pơkâ ‘na kơlo xo hnoăng mơhá rak vế kong prâi ƀă têa kơxăng, têa châu, nhơk, têa rơmâ pik kơmăi kơmok troh tâi hâi lơ 31/12/2022. Pơtối mê, kơlo xo hnoăng mơhá rak vế kong prâi ƀă têa kơxăng, têa châu, nhơk, têa rơmâ pik kơmăi kơmok sap hâi Pơkâ ai xêt khât pêi pro (hâi lơ 1/4/2022) troh tâi hâi lơ 31/12/2022.

Ki nhên môi tiah kơ’nâi kố: Têa kơxăng: kơdroh 2.000 liăn/lit, sap ing 4.000 liăn/lit chu 2.000 liăn/lit; têa châu diesel, têa châu mazut, nhơk, têa rơmâ pik kơmăi kơmok: kơdroh 1.000 liăn/lit, sap ing 2.000 liăn/lit chu 1.000 liăn/lit; Têa châu têk on: Kơdroh 700 liăn/lit, sap ing 1.000 liăn/lit chu a kơlo 300 liăn/lit; têa châu tơƀai: rak môi tiah kơlo nôkố dế châ kơdroh cho 1.500 liăn/lit tiô Pơkâ kơxô̆ 13 hơnăm 2021 dêi Viƀan pơkuâ Kuô̆k hô̆i.

A Sa Ly tơplôu ƀă tơbleăng