VOV4.Xơ Đăng -  Kơxo lơ 17/3, a tơring Krông Pač, kong pơlê Dak Lak, Khu xiâm ngăn ‘na tuăn ngôa rơkê (ối tung Khu xiâm ngăn ‘na khoa hok kŏng ngê̆) tơrŭm ƀă Vi ƀan kong pơlê Dak Lak tơkŭm po diâp inâi mơnhên ‘’Sầu riêng Krông Pač’’. Krông Pač cho kơpong xiâm pêt hên sầu riêng dêi kong pơlê Dak Lak, ƀă tơnêi pêt lối 2.500ha, plâi rêm hơnăm châ 45.000 - 50.000 tâ̆n, kơxô̆ liăn châ xo ing 2.200 - 2.400 rơtal liăn.

Plâi sầu riêng Krông Păč

Tơdroăng châ mơnhên inâi cho xiâm vâ kum mơngế ki pêt, khu mơdró mơnhông tơ-ƀrê ki pơxúa ki le\m, xiâm rêi, veăng mơdêk inâi châ ô eăng troh lâp lu, mơdêk tíu tê rôe plâi sầu riêng dêi tơring. Kăn hnê ngăn tơring Krông Pač Trần Hồng Tiến ăm ‘nâi, rêm râ kơvâ cheăng dế tơrŭm ƀă kuăn pơlê, khu mơdró chôa ‘lâng pê klêi mâu tơdroăng pơtối vâ sầu riêng Krông Pa] chiâng plâi ki xiâm, ai inâi châ tê ăm kong têa ê , tê a mâu kong têa ki kân môi tiah Nhuk, Hàn Quốc, Úc, Mih lơ EU.

Gương tơplôu ƀă tơbleăng