VOV4.Xơ Đăng -  “Pơkâ mâu kơ koan cheăng kal thăm séa ngăn tơdroăng tê mơdró tơmeăm kum tung hbrâ mơdât pơreăng COVID-19 môi tiah pơkeăng pơlât, kit khăm ngăn, kơmăi khăm ki hên iâ oxy tung mơheăm ƀă hía hé vâ kum mơdât tơdroăng ‘’ pro ôh tá tơniăn’’ yă mâu tơmeăm kố ƀă răk vế ivá ăm kuăn pơlê, gâk kring hnoăng pơxúa tơxâng dêi mơngế rôe xúa.

Kố cho môi tung mâu tơdroăng pâ thế dêi Khu hnê mơhno má môi Viƀan Luât dêi Kuô̆k hô̆i tơbleăng ‘na mâu tơdroăng ki tơdjâk troh tơdroăng hbrâ, mơdât pơreăng COVID-19 ối tung kơvâ Viƀan Luât pơkuâ pơla kố nah. Tung măng tĭng hiăng hluâ, hên kong pơlê hiăng châ hlo kơxô̆ mơngế tro tâ COVID-19 nếo a vâi hdrêng tâk hên, ki rơhêng vâ tối drêng mâu hok tro nếo vêh hriâm tơkŭm. Laga, tơdroăng hnê mơhno khăm ngăn, klâ kơtăn séa ngăn ivá ƀă hok tro ai tơdroăng châi tung châ, troăng pơlât drêng ai hok tro tro tâ COVID-19 a hngêi trung hriâm, hâi khế klâ kơtăn a hngêi ƀă hok tro nôkố tá hâi nhên, tá hâi môi tuăn.

A Sa Ly tơplôu ƀă tơbleăng