VOV4.Xơ Đăng - Pơtối tơdroăng roh hôp má 8 dêi Viƀan pơkuâ Kuô̆k hô̆i, hâi lơ 16/2, Viƀan pơkuâ Kuô̆k hô̆i séa ngăn tơdroăng tơkêa bro Pơkâ ‘mâi rơnêu Pơkâ pêi cheăng dêi Viƀan pơkuâ Kuô̆k hô̆i. Pơkâ pêi cheăng dêi Viƀan pơkuâ Kuô̆k hô̆i châ tơbleăng sap hơnăm 2015 hiăng hlo mâu tơdroăng ki tơvâ tơvân, mâu pơkâ tá hâi tơtro ƀă pơkâ nôkố. Tơdroăng tơbleăng Pơkâ ‘mâi rơnêu Pơkâ pêi cheăng dêi Viƀan pơkuâ Kuô̆k hô̆i cho xiâm kối luât ki kal vâ Viƀan pơkuâ Kuô̆k hô̆i pêi pro hnoăng cheăng, hnoăng chiâng phêp tro pơkâ, tơdroăng pêi cheăng tơtro, rơkê tâ.

Tơdrêng amê, pêi pro tro hnoăng cho kơ koan hnê mơhno má môi dêi Kuô̆k hô̆i, kum hên tung tơdroăng pơ’lêh nếo, mơdêk ki châ tơƀrê tung pêi cheăng dêi Kuô̆k hô̆i tối tơdjuôm, mâu kơ koan dêi Kuô̆k hô̆i tối krê.

A Sa Ly tơplôu ƀă tơbleăng