VOV4.Xơ Đăng - Hâi lơ 14/2, hên hngêi trung đăi hok hiăng lôu péa păng ‘nâng, tơdah sinh viên vêh hngêi trung hriâm tơkŭm klêi kơ’nâi hên khế hriâm tơdrêng ing troăng hyôh internet vâ hbrâ mơdât pơreăng COVID-19. Sinh viên phiu ro troh hngêi trung hriâm tơdrêng, ƀă mâu hngêi trung xuân tơtrŏng troh hnoăng cheăng hbrâ mơdât COVID-19 vâ rak vế tơniăn ivá ăm tâi tâng sinh viên ƀă kăn ƀô̆, mâu ngế ki hnê. Tơdroăng tơchĕng tơmiât cho tơdroăng ki mơhno tối tơdjuôm dêi hên ngế sinh viên hơnăm má môi, rôh apoăng châ troh hngêi trung klêi kơ’nâi châ rah xo mot hriâm.

Vâ rak tơniăn hbrâ mơdât pơreăng, mâu hngêi trung pơrá châ pơkâ nhên, sap ing tơdroăng ki hnê hriâm, xing xoăng tíu ối tung tíu ki ăm mâu sinh viên ối xuân môi tiah mâu tơdroăng ki hmâ trâm tung sinh viên, kăn ƀô̆, mâu ngế ki hnê cho F0.

Katarina Nga tơplôu ƀă tơbleăng