Tung mê, kô ai tơdroăng ki mơjiâng pro, vêh  mơnhên ƀă tối tơbleăng mâu tơdroăng ki pơkâ, ki tơtro tung tơdroăng mơjiâng pro troăng rơxế lơtreng ki kơtâu têi, ăm mung kơxô̆ liăn ăm tơdroăng ki mơjiâng troăng rơxế lơtreng.

Ngế pro xiâm hnê ngăn Chin phuh ối pơcháu ăm Khu xiâm ngăn ‘na Chiâk deăng ƀă Hyôh kong prâi hbhrâ hiăng pơkâ pêi pro mâu tơdroăng ki ai tơdjâk troh a tơnêi tíu, kong kế, hyôh kong prâi ƀă tơdroăng tơkêa bro troăng rơxế lơtreng Lào Cai-Hà Nội-Hải Phòng. Tung mê, ai mơnhên tối pơkâ thế “6 tơdroăng”: Nhên kơxô̆ pơ’leăng mâ mơngế ki cheăng, nhên hnoăng cheăng, nhên hâi khế hơnăm, nhên hnoăng cheăng, nhên tơdroăng ki pơkuâ, nhên kế tơmeăm mơjiâng ƀă pơcháu ăm mâu Phŏ Ngế pro xiâm hnê ngăn pơkuâ ngăn tơdrêng mâu kơvâ cheăng ki ai tơdjâk troh, Ƀơrô cheăng dêi Chin phuh pơtối vêh mơnhên ngăn, ai troăng hơlâ hnê tối, Ngế pro xiâm hnê ngăn ối pơkâ thế mâu khu râ, kơvâ cheăng tối tơbleăng rêm măng tĭng ‘na mâu tơdroăng cheăng ki hiăng pơcháu; ƀă mâu tơdroăng ki ối xahpá, ối tơvâ hên mê athế pêi pro pơkâ tro tiô hnoăng cheăng, tâng luâ kơ hnoăng tơná chiâng phep mê athế tối tơbleăng ăm râ pá pêng ki vêh mơnhên ngăn, ai tơdroăng pơkâ pêi pro.