VOV4.Xơ Đăng - Kơxê lơ 24/3, a Tíu pêi cheăng Kăn xiâm hnê ngăn tơnêi têa, Ƀơrô Kăn xiâm hnê ngăn tơnêi têa ƀă Khu pơkuâ hnê mơhno Vi ƀan xiâm Măt trâ̆n Tơnêi têa Việt Nam tơrŭm tơkŭm po Hneăng hôp mơgêi tơdroăng tơrŭm pơla Kăn xiâm hnê ngăn tơnêi têa ƀă Khu râ kăn Hnê ngăn Vi ƀan Măt trâ̆n Tơnêi têa Việt Nam hơnăm 2021, ki xiâm tơrŭm tung tơrŭm pêi cheăng hơnăm 2022.

Pôa Nguyễn Xuân Phúc, Kăn xiâm hnê ngăn tơnêi têa xup um rơtế mâu kăn teăng mâ veăng Hneăng hôp

Pôa Nguyễn Xuân Phúc, Kăn xiâm hnê ngăn tơnêi têa ƀă pôa Đỗ Văn Chiến, Kăn xiâm pơkuâ hnê ngăn cheăng Đảng, Tơnêi têa, Kăn xiâm hnê ngăn Vi ƀan xiâm Măt trâ̆n Tơnêi têa Việt Nam rơtế pơkuâ hneăng hôp. Xông tơpui a Hneăng hôp, pôa Nguyễn Xuân Phúc pơkâ thế Vi ƀan xiâm Măt trâ̆n Tơnêi têa Việt Nam tơmâng, hnê mơhno, thăm pơtâng tối, mơhnhôk tung mâu râ kuăn pơlê, pro loi tơngah, tơdroăng môi tuăn tung hlê plĕng ƀă rơtế pêi vâ khŏm mơ-eăm pêi pro ƀlêi trâng mơjiâng ƀă gak kring Tơnêi têa tung rơxông nếo.

Klăng roh kố, Kăn xiâm hnê ngăn tơnêi têa pơkâ thế Chin phuh, Kuô̆k hô̆i, khu râ kăn pơkuâ mâu râ tơmâng hên tâ nếo troăng pơkâ thế dêi Vi ƀan xiâm Măt trâ̆n Tơnêi têa Việt Nam ƀă Vi ƀan Măt trâ̆n Tơnêi têa Việt Nam rêm râ.

A Sa Ly tơplôu ƀă tơbleăng