VOV4.Xơ Đăng - Kơxê lơ 24/1, Khu xiâm ngăn mơhno túa lĕm tro, Tơ’noăng ivá ƀă ôm hyô tơkŭm po “hneăng hôp tơpui tơdroăng vâ môi tuăn, troăng rơhlâ lôu péa ăm tơ’droăng ‘mot tơmối kong têa ê mot ôm hyô’’, tiô tơdroăng mot ôm hyô a 20 tíu xiâm a mâu kong pơlê, pơlê kong kân râ xiâm tơnêi têa. A hneăng hôp, Khu xiâm ngăn ‘na mơhno tuá lĕm tro, tơ’noăng ivá ƀă ôm hyô pơkâ thế lôu péa tơdah tơmối ôm hyô ing hâi lơ 1.5 la ngiâ. Riân troh lơ 23/1/2022, Việt Nam hiăng tơdah châ lối 8.500 ngế tơmối kong têa ê troh a 3 to kong pơlê: Phú Quốc (Kiên Giang), Khánh Hòa, Quảng Nam.

Troh nôkố, kơxô̆ mâu khu mơdró ki prôk lâp luô lâp plâi tơnêi troh a tíu ăm kâ koi ối pơtê tíu ôm hyô ƀă tíu pêi cheăng chơ tơmeăm chêh inâi veăng tơdah tơmối rế hên. Hlo mâu tơdroăng ki tơ-ƀrê dêi rôh mơnúa tơdah tơmối  kong têa ê troh ôm hyô, a hneăng hôp “ Tơpui tơdroăng vâ môi tuăn, troăng rơhlâ lôu péa ăm tơ’droăng ‘mot tơmối kong têa ê mot ôm hyô’’, mâu ngế rơkê má môi xuân vâ môi tuăn ƀă tơdroăng Việt Nam kal thế mơdêk rĕng lôu péa ‘mot tơmối kong têa ê troh  ôm hyô.

Gương tơplôu ƀă tơbleăng