VOV4.Xơ Đăng - Tung mâu hâi ki kố, a 7 to cheăm tíu tơkăng kong dêi kong pơlê Dak Nông dế xôk ro tơkŭm po Hâi leh Mối đô̆i gak tơkăng kong tâi tâng kuăn pơlê hơnăm 2022, ‘mot hên ngế kuăn pơlê mâu hdroâng kuăn ngo  tung kong pơlê veăng leh.

Tíu tơkăng kong Dak     

A hai leh tơdrêng ƀă mâu tơdroăng mơhno tuá lê̆m tro, hơdruê xuâng tiô khôi tuá mâu hdroâng kuăn ngo, mâu kăn hiăng ối mâu tuá pêi pro tung tơdroăng tơ’noăng a tơring cheăm môi tiah “ tơdroăng mơhnhôk kuăn pơlê veăng rak ngăn troăng tơkăng kong, tơneăn tâp hdrói ƀă rak tơniăn thôn pơlê kơpong tơkăng kong”; tơdroăng tơ’noăng “ Lâp tơnêi têa rơtế tơchoâm ƀă xua mâu ngế kơtiê, ôh tá  chiâng lôi ngế ki lâi pá rŏng”; ƀă mâu tơdroăng “Mơdêk hvêa chêng o troh hngêi trung”, “ Kuăn păn dêi mố đô̆i gak tơkăng kong’’, “Rơtế ƀă vâi kơdrâi tíu tơkăng kong”  ƀă hên tơdroăng ki ê. Tung hâi leh Mố đô̆i gak tơkăng kong tâi tâng kuăn pơlê a cheăm Thuận An, Khu xiâm pơkuâ ngăn lêng tơkăng kong Dak Nông hiăng hiâp kỷ niệm chương “ Xúa hnoăng pơkuâ kring tơniăn tíu tơkăng kong” dêi khu xiâm pơkuâ ngăn lêng mối đô̆i gak tơkăng kong ăm 1 ngế ki ai hnoăng tung tơdroăng cheăng rak ngăn, kring vế hnoăng pơkuâ, kring tơniăn tíu tơkăng kong tơnêi têa.

Gương tơplôu ƀă tơbleăng