VOV4.Xơ Đăng - Tơbâ 43 hơnăm klêi kơ’nâi tơplâ tơkăng kong peăng kơnhŏng (pơxiâm tơplâ hâi lơ 17/2/1979), tơring Mường Khương, kong pơlê Lào Cai tơkŭm po chôu nhâng tơbâ mâu mô đô̆i hlâ tung tơplâ xâ a Đông lêng tơkăng kong Pha Long hiăng khên tơnôu hlâ tung tơplâ xâ râ ó vâ gâk kring hnoăng pơkuâ tơnêi tơníu tơnêi têa. A tíu ki tơbâ pro a peăng hơ’vá Đông chêh inâi 41 ngế mô đô̆i hlâ tung tơplâ xâ; tung mê, 27 ngế hiăng hlâ tung 4 hâi măng apoăng tơplâ a troăng tơkăng kong.

Chôu nhâng tơbâ mâu mô đô̆i hlâ tung tơplâ xâ a tơkăng kong

Klăng roh kố, tơring Mường Khương xuân hiăng tơkŭm po lăm kơ-êng ivá mâu rơpŏng ai troăng hơlâ tŏng kum, nhŏng o mơngế ai hnoăng tung kong pơlê; tơkŭm mơgrúa lĕm tơmeăm ki ối rak ki ton nah; chôu nhâng a tơnâp mô đô̆i hlâ tung tơplâ xâ nah a tơkăng kong hơnăm 1979.

A Sa Ly tơplôu ƀă tơbleăng