Kố cho pri kơnía dêi Tíu xiâm Đoân Droh rơtăm Hồ Chí Minh, vâ pơ-eăng mâu hơnăm ối nếo ki hâi teăm luâ 35 hơnăm, hiăng ai hnoăng pêi cheăng kơhnâ rơkê, tơbrê tung hên kơvâ cheăng. Pri mơhá ăm “Mâu ngế hơnăm ối nếo Việt Nam kơhnâ tơkê” châ diâp ăm rêm hơnăm klăng a rôh tơbâ Hâi mơjiâng Đoân Droh rơtăm Hồ Chí Minh lơ 26/3.

Hơnăm 2024, Khu tơkŭm po hiăng xo 159 hồ sơ rah xo ing 55 tíu pêi cheăng tung lâp tơnêi têa. Hô̆i đong séa ngăn mơhá ăm Pri hiăng tâ phĭu rah xo 19 inâi pro pâ mơhá ăm mâu ngế kơhnâ rơkê má môi tung rôh rah xo tung hyôh măng. Tung mâu inâi rah xo mê ai hên ngế vâi hiăng hmâ hlo, ƀă mâu hnoăng cheăng pêi tơbrê tung tơdroăng rêh ối dêi tơná pơ-eăng ki pơxúa kân ăm kuăn pơlê, môi tiah ca sih Phương Mỹ Chi; ca sih Soobin Hoàng Sơn, Ngế droh lĕm Huỳnh Thị Thanh Thủy; ngế rơkê ‘na ƀa long Nguyễn Tiến Linh; Tiê̆n sih Phạm Huy Hiệu ƀă hên ngế ki ê