Klêi hnê Pơkâ kơxô’ 57, rôh apoăng ki hlê plĕng dêi kăn ƀô̆, đảng viên ƀă kuăn pơlê ‘na hnoăng cheăng, tơdroăng ki kal dêi khoa hok ƀă kŏng ngê̆, pơhlêh nếo hriê̆n plĕng ki nếo ƀă pơ’lêh kơxô̆ châ mơnhông. ‘Na pêi pro Mơgêi kơxô̆ 123, ‘na pro tơniăn mơdêk 8% tơngi klêng tung hơnăm 2025, Lâm Đồng hiăng pơkâ hên hlá mơ-éa hnê mơhno tơkŭm pêi mâu tơdroăng cheăng, troăng rơhlâ, mâu tơdroăng hriăn pêi tơƀrê vâ mơ-eăm rế tâk ‘na cheăng kâ tung hơnăm 2025 kố, tâk sap 9,0 troh 10%.

Tơbleăng a rôh hôp, pôa Nguyễn Hòa Bình, Phŏ Ngế pro xiâm hnê ngăn Chin phuh hlo nhên ki mơ-eăm, hnoăng cheăng pêi, ivá hnê mơhno, pơkuâ, tơrŭm môi tuăn tung pêi pro tiô mâu troăng hơlâ ki kân dêi Đảng, dêi kong pơlê Lâm Đồng.

Pakĭng mê, pơkâ Khu kăn pơkuâ hnê ngăn Đảng kong pơlê Lâm Đồng pơtối hnê tối a tơdroăng tối tơbleăng a rôh hôp. Tối ‘na tơdroăng tô tuăn ‘na rah iâ mơngế pêi cheăng pro rế lĕm mơngế ki ối pêi cheăng ăm tơnêi têa thế rơkê, mâu ngế ôh tá chiâng pêi cheăng thế pơtê, pôa Nguyễn Hòa Bình, Phŏ Ngế pro xiâm hnê ngăn Chin phuh tối, râ ủy ƀă mơngế ki ối ako thế pôu râng tâi hnoăng cheăng ki mê.