Khu kăn xua pôa Trần Việt Trường, Phŏ Kăn hnê ngăn Vi ƀan Tíu xiâm Măt trâ̆n tơnêi têa Việt Nam pro Phŏ pơkuâ djâ khu kăn tơbleăng  séa ngăn 4 tơdroăng ki tơdjâk troh tơdroăng tơbleăng pêi pro tiô pơkâ kơxô̆ 18, Tối mơgêi kơxô̆ 121 ‘na pơhlêh nếo tơkŭm ‘mâi mơnhông nếo mơngế pêi cheăng; Hnê mơhno pêi tiô kơxô̆ 35 ‘na hneăng hôp Đảng ƀô̆ rêm râ; Pơkâ kơxô̆ 57 ‘na mơnhông khoa hok, kơmăi kơmok ƀă pơhlêh kơpơxô̆ ƀă tối mơgêi kơxô̆ 123 ‘na mơnhông cheăng kâ - rêh ối pơlê pơla hơnăm 2025 ƀă pơkâ pêi cheăng tâk châ 8% tơngi klêng.

Tung pơla hdrối kố nah, kong pơlê Dak Lak hiăng tơbleăng hên troăng hơlâ rah iâ mơngế pêi cheăng pro rế lĕm mơngế cheăng ăm tơnêi têa, kơdroh 6 tíu pêi cheăng, kơvâ cheăng, 35 ƀơrô cheăng râ tơring ƀă 283 thôn, pơlê. Kong pơlê xuân mơdêk ‘mâi hơ’lêh tơdroăng cheăng pro hlá mơ-éa, xúa kŏng ngê̆ thong tin ƀă pơ’lêh kơxô̆ vâ pro tơ’lêi hlâu  mơnhông tơƀrê. Ƀă pơkâ tâk cheăng kâ 8% hơnăm 2025, Dak Lak dế séa ngăn liăn ngân, tah tíu ki xơpá ƀă ‘mâi hơ’lêh mâu pơkâ cheăng kâ-rêh ối.