A rôh tơpui tơno, pôa Trần Thanh Mẫn, Kăn xiâm hnê ngăn Kuô̆k hô̆i loi xua tơdroăng pơkuâ dêi pôa Sophon Zaram, Kăn xiâm hnê ngăn Kuô̆k hô̆i, mê Kuô̆k hô̆i Siam kô pơtối rơtế prôk ƀă Chin phuh mơdêk mơnhông cheăng kâ rêh ối pơlê pơla, mơdêk tơdroăng rêh ối kuăn pơlê ƀă tíu ối dêi Siam a mâu kong têa tung lâp plâi tơnêi. Mơnhên tối tơrŭm cheăng pơla kơ koan mơjiâng luât péa tơnêi têa tung pơla hdrối nah, péa ngế kăn xiâm hnê ngăn Kuô̆k hô̆i hiăng môi tuăn pơtối thăm mơnhông pơtroh mâu kăn ƀă rêm râ; tơbleăng pêi tơƀrê mâu tơdroăng tơkêa tơrŭm cheăng pơla Kuô̆k hô̆i péa tơnêi têa.

Tơpui ‘na mâu tơdroăng tung kơpong ƀă a kong têa ê, péa ngế kăn xiâm hnê ngăn Kuô̆k hô̆i môi tuăn pơtối tơrŭm krá tơniăn a ASEAN, AIPA, IPU ƀă mâu rôh hôp Kuô̆k hô̆i ki hên kơvâ cheăng; mơdêk hnoăng cheăng tíu xiâm dêi ASEAN ƀă thăm mơdêk tơrŭm tung mâu troăng hơlâ tŏng gum a kơpong Mekong.