VOV4.Xơ Đăng - Kơxê lơ 24/1, a Hà Nội, Khu xiâm Đoân Droh rơtăm Kŏng san Hồ Chí Minh khu Plan International Việt Nam tơrŭm tơkŭm po Leh tơbleăng tơdroăng tung um tơvi “Droh rơtăm rơkê – Tối ôh ti ai tơdroăng tơmiât pơrah kơdrâi kơnốu”. Veăng a rôh leh kố ai kăn xiâm phŏ hnê ngăn Vi ƀan Mơhno túa lĕm tro, Hnê hriâm dêi Kuô̆k hô̆i. Tơdroăng ki tơbleăng tung um tơvi “Droh rơtăm rơkê – tối ôh ti ai tơdroăng tơmiât pơrah kơdrâi kơnốu” châ klâ pro 4 hneăng ƀă mâu inâi: “Tơdroăng cheăng tung hngêi ôh ti xê to krê dêi kơbố”, “Rơtế veăng pêi, veăng tơlo liăn ngân tung on veăng”, “Tơdroăng cheăng cho tơdroăng ki rah xo, ôh tá tơngah to a mâu vâi kơnốu”, “Vâi kơdrâi xuân chiâng kăn pơkuâ ƀlêi trâng”..

Tơdroăng cheăng kố châ tơbleăng tung lâp tơnêi têa, sap ing nôkố troh khế 11/2022 châ mơ’no tơdrêng ing troăng hyôh um tơvi ƀă troăng hyôh internet ing mâu rôh trâm mâ tơpui tơno ƀă mâu ngế ki hnê mơhno ăm tơdroăng ki mơ-eăm, chêh mâu ƀai hơdruê, chêh nâl hơdruê inâi dêi tơdroăng, tơkŭm po mâu rôh trâm mâ, hnê hriâm tơdroăng ki rơkê plĕng ăm đoân viên droh rơtăm a mâu kong pơlê, pơlê kong kân ƀă Fanpage “Droh rơtăm rơkê” tung Facebook.

Katarina Nga tơplôu ƀă tơbleăng