Tơdế chal hvái ngăn ƀlêi trâng Đức Lập, tíu pơxiâm ăm tơdroăng tơplâ a Tây Nguyên
Thứ ba, 14:09, 04/03/2025
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV4.Xơ Đăng - Pêi pro vâ troh tơbâ 50 hơnăm tơleăng lĕm peăng Hdroh, pro tơnêi têa tơrŭm chiâng môi, kơxê lơ 3/3, Học viện Chính trị - Bộ Quốc Phòng tơrŭm ƀă Vi ƀan hnê ngăn kong pơlê Dak Nông po Rôh hôp khoa hok “Ƀlêi trâng Đức Lập – tơdế chal hvái ngăn” ƀă tơdroăng ki veăng hôp dêi hên ngế khu ki rơkê plĕng, khu ki hriăn ‘na khoa hok, mâu ngế ki châ hlo.
Hâi 9/3/1975, xua tơdroăng pơkuâ dêi Đảng, ki pơkuâ tơdrêng cho Khu pơkuâ ngăn Đảng lêng Tơnêi têa, Khu xiâm pơkuâ ngăn lêng, Khu pơkuâ ngăn lêng tơdroăng tơplâ Tây Nguyên, khu lêng ƀă kuăn pơlê pin hiăng tơrŭm, tơplâ, tơleăng lĕm Đức Lập. Tiô mâu kăn ki veăng hôp tối, 50 hơnăm hiăng tơkâ luâ, la Ƀlêi trâng Đức Lập troh nôkố xuân ối rak vế ki kơnía ƀă ‘măn chôu hên ƀai hriâm ki kơnía git tung tơdroăng cheăng rak vế Tơnêi têa.
Tơdrêng amê, ƀlêi trâng Đức Lập ối cho tơdroăng hâk tơngăm, ivá kân vâ Đảng ƀô̆, khu kăn pơkuâ ƀă kuăn pơlê tung kong pơlê Dak Nông tơrŭm, môi tuăn, khŏm mơ-eăm tơkâ luâ xơpá mơjiâng kong pơlê rế hía rế mơnhông, krá mơdrŏng.
Viết bình luận