Sap ing apoăng hneăng 13, Khu xiâm pơkuâ cheăng kal kí hiăng pơkâ ‘na hnoăng cheăng pơkâ rah xo kăn ƀô̆, hnê mơhno pêi pro tơbleăng túa pơkâ mâu inâi kăn pơkuâ, rak ngăn rêm râ, malối cho túa pơkâ inâi kăn pơkuâ xiâm dêi mâu kong pơlê, kơ koan, tíu pêi cheăng pơla hơnăm 2025-2030, 2026-2031.

Tơdroăng kố rế pêi châ tiô tơdroăng púi pâ ki hdrối dêi tơdroăng cheăng klâ xoăng pro lế lĕm kơ koan cheăng tơnêi têa, rế mơhno troăng ngăn tung la ngiâ tung mơjiâng khu kăn ƀô̆ rêm râ dêi Đảng. Vâ hbrâ rơnáu mâu ngế cheăng ăm Hneăng hôp 14 dêi Đảng, Khu xiâm pơkuâ cheăng kal kí, Khu pơkuâ Tơnêi têa hneăng 13 hiăng séa ngăn nhên, têk kŏng, môi tuăn tơbleăng inâi mâu ngế cheăng vêh pôk ƀă veăng pêi rôh apoăng; ing tối tơbleăng ƀă inâi pơtroh thế Khu pơkuâ Tơnêi têa pơtroh ăm Hneăng hôp XIV séa ngăn pôk tiô pơkâ.