Vi ƀan Xiâm Mât trâ̆n Tơnêi têa Việt Nam tơrŭm ƀă Kŏng ti xiâm Bia - Rượu - Nước giải khát Sài Gòn (SABECO) tơkŭm po tơdroăng ‘’Pơ-ôu pơ-eăng Têt Việt – Tơdjêp lâp kơpong’’ a cheăm Kim Bảng, kong pơlê Nghệ An. Khu tơkŭm po hiăng diâp 500 kơxuô tơmeăm Têt, rêm kơxuô kơnâ 900 rơpâu liăn mê cho kơxuô tơmeăm ƀă liăn mâ, tŏng gum mâu rơpŏng kơtiê, vâ chê kơtiê tung kong pơlê.

Tơdroăng ối mơđah tơbleăng hên tơdroăng mơhno khôi túa lĕm tro môi tiah pế kâ, mơđah tơbleăng kơchâi kâ Têt kơpong Ngệ, kơxuô kơƀăn chưng, tơdroăng xah hêi tiô khôi vâi krâ nah, mơhnhôk kơdrâm kuăn pơlê veăng. Roh kố, khu tơkŭm po xuân lăm pôu ƀă diâp ăm 20 rơtuh liăn ăm kăn ƀô̆, mâu mô đô̆i Mô đô̆i Gâk tơkăng kong 561 Tíu tê mơdró ngi kong tea ê Thanh Thủy, mơhnhôk khu cheăng pêi hnoăng cheăng a ko tơnêi têa. Kố cho môi tung mâu tơdroăng diâp 6.500 kơxuô tơmeăm Têt a 16 kong pơlê, pơlê kong kơdrâm tung lâp tơnêi têa.