Ƀă kong pơlê Hưng Yên, Kăn xiâm hnê ngăn tơnêi têa pơkâ kal tơkŭm séa ngăn mơjiâng troăng hơlâ mơ’no liăn cheăng mơnhông kơmăi kơmok, pêi chiâk deăng tơtro; mơnhông mâu kơvâ kơmăi kơmok tiô rơxông nếo, ki kơnâ tâk; mơjiâng kơchơ mơdró, tơdroăng mơdró, tê mơdró ki dâi lĕm; mơjiâng on tơhrik krúa lĕm, rĕng djâ Hưng Yên chiâng tíu xiâm on tơhrik dêi kơpong tơbăng Sông Hồng.

Pơkâ thế Khu pơkuâ tơdroăng cheăng Đảng kong pơlê Hưng Yên, Cà Mau hriăn plĕng, tơmâng xo rơkong tơpui dêi mâu Kăn cheăng tung Khu xiâm kal kí, Khu pơkuâ tơdroăng cheăng Đảng, mâu khu, kơvâ cheăng Tơnêi têa vâ pêi kêi đeăng mâu mơ-éa ki kal, tơkŭm po lĕm tro Hneăng hôp.