A rôh pêi cheăng, kăn pơkuâ mâu kong pơlê hiăng pơchuât kơxop hlá mơ-éa, mê cho pơchuât tơbleăng tơdroăng kal kí, tơbleăng tơdroăng ki mâu kăn pêi pro ôh tá tro pơla hơnăm 2020 – 2025, kơxop mơ-éa pơkâ hneăng hôp, tơdroăng pơkâ mâu ngế pêi cheăng râ Đảng hơnăm 2025 – 2030 ƀă pơchuât tơmâng xo mâu rơkong tơpui dêi Tơnêi têa. Kăn pơkuâ ngăn Đảng tơmâng xo mâu tơdroăng tơpui tối ki kal mê mâu kong pơlê hiăng pêi châ tơƀrê tơdrêng amê hlối pơkâ thế pơtối tơmâng xo tŭm mâu rơkong tơpui tối dêi Khu xiâm pơkuâ tơdroăng kal kí, Khu pơkuâ hnê ngăn Đảng, mâu khu xiâm, kơvâ cheăng vâ chêh pro klêi hlá mơ-éa ƀă túa pơkâ ‘na mâu ngế pêi cheăng.

Pôa pơchân mâu troăng tơmiât pêi tung hneăng nếo athế tro ƀă troăng pơkâ kân dêi Tơnêi têa, ‘nâi nhên rôh tơ’lêi hlâu drêng pêi pro kăn pơkuâ kong pơlê péa râ, tơdrêng amê hlối hlê plĕng sap ing tơdroăng ki ối ‘ro dêi hneăng cheăng 2020 – 2025 vâ ai troăng hơlâ ‘mâi rơnêu teăm tơdrêng.