VOV4.Xơ Đăng - Ƀơ rô Chin phuh nêó ai hlá mơ-éa tơbleăng kơxô̆ 57 ‘na tơdroăng tối mơgêi dêi pôa Phạm Minh Chính, Ngế pro xiâm hnê ngăn Chin phuh a rôh hôp tiah hmâ dêi mâu kăn tung Chin phuh ‘na Tơdroăng tơkêa bro “ ‘mâi mơnhông nếo khu mơdró tơnêi têa, ki kal cho Grup cheăng kâ, Tổng kŏng ti tơnêi têa pơla hơnăm 2021-2025” . A rôh tối mơgêi mê, pôa Phạm Minh Chính, Ngế pro xiâm hnê ngăn tơnêi têa tối nhên tơmâng tơkŭm a  tơdroăng pê klêi luât pơkâ, luât pơkâ tŏng kum, bro tơniăn ‘na cheăng kâ tơnêi têa ki pro xiâm hnê mơhno, Khu mơdró pro xiâm, rế ton rế tơ-brê tung tơdroăng cheăng dêi khu mơdró tiô mâu troăng rơhlâ dêi Đảng. Tơdroăng cheăng ki kal, ki xiâm, tơkŭm a  mâu khu mơdró ki lot, cheăng oh tá tơ-ƀrê, ki pêi cheăng lup; pơtối rak vế, ‘mâi mơnhông mơdêk mâu khu mơdró pêi cheăng tê mơdró tơ-ƀrê, mâu grup, tô̆ng kŏng ti ai inâi pêi cheăng tro tơniăn. ‘Mâi pro hlá mơ-éa nêó, tơ’lêi hlâu, oh tá hên tơvâ tơvân, oh tá mơ’nhiê liăn vâ mơdêk tơdroăng cheăng xing xoăng ngăn,  tăng liăn cheăng ‘mâi mơnhông nếo khu mơdró. Tăng liăn cheăng tơniăn tơtro, tơ-ƀrê.

Gương tơplôu ƀă tơbleăng