A tíu hrik mơ’no hyôh um 1 – Tíu xiâm hnê pơtâp lêng Tơnêi têa 4, Mỹ Đức, Hà Nội, Đăi tươ̆ng Nguyễn Tân Cương, Kăn xiâm tơbleăng cheăng lêng kuăn pơlê Việt Nam, Phŏ Ngế xiâm pơkuâ lêng troh veăng. A tíu hrik mơ’no hyôh kơpong 1 ƀă lối 1.500 ngế lêng, kăn lêng, lêng kuăn pơlê tung khô̆i hlá cơ Đảng – hlá cơ tơnêi têa, khu lêng kơdrâi ki hơdruê xuăng, khu kăn lêng luk quân, khu kăn lêng gâk kring drô têa kơxĭ, khu kăn lêng gâk kring a rơvâ plêng, khu kăn pơkuâ kan sát gâk kring têa kơxĭ, khu lêng kơdrâi kăn lêng pơtâng tối tơdroăng kal, khu kơdrâi kăn lêng ƀok thái khăm pơlât, khu vâi kơdrâi rak hơniâp lĕm Việt Nam, khu mâu lêng luk quân, khu mâu lêng vê rơxế komƀa, khu lêng đăk công, khu kơdrâi lêng kuăn pơlê peăng Kơnhŏng tơnêi têa, Khu lêng ivá rơdêi mơjiâng ƀă rak tơnêi têa ƀă Khu lêng ối pơtăng.

Séa ngăn a roh hôp pơtâp lêng Đăi tươ̆ng Nguyễn Tân Cương kheăn kơdeăn tơdroăng pơtâp dêi kăn ƀô̆ mâu lêng, laga kăn xiâm tơbleăng tơdroăng cheăng lêng xuân tối mâu tơdroăng ki kal ‘mâi rơnêu. Khu lêng ki xông prôk pơtăng tung leh tơbâ vâ vêh mơhno tơdroăng ki khên tơnôu dêi roh Xông tơplâ xâ rơnó Hơngui hơnăm 1975, laga ki ó má môi cho tơdroăng xông tơplâ xâ inâi Hneăng tơplâ Hồ Chí Minh hiăng ƀlêi trâng tâi tâng a kơhâi dế lơ 30/4/1975.