Pôa Phạm Minh Chính tối nhên, hneăng 2020-2025 cho hneăng  ki pá tung mâu kơvâ cheăng, la ga, ing hnoăng pơkuâ dêi Đảng, đi đo hnê tối tơdrêng cho Khu xiâm kal kí, Khu kăn hnê ngăn ối a ko cho Kăn xiâm hnê ngăn Đảng, tâi tâng khu xiâm kal kí hiăng veăng tơmâng, pêi châ tơƀrê hên tung mâu tơdroăng cheăng.

5 hơnăm hdrối, hên tơdroăng mơhnhôk tơ’noăng, tơbleăng ai pơxúa, ai tơbleăng troh lâp lu, mê cho Tơdroăng mơhnhôk tơ’noăng ki kal “Lâp tơnêi têa tơrŭm, tơdjuôm ivá, môi tuăn tơ’noăng, plâ mơdât ƀă kâi ƀlêi trâng pơreăng COVID-19”; tơdroăng mơhnhôk tah hngêi pơtân, hngêi xi kơchoh hiăng pê klêi rĕng tâ hdrối 5 hơnăm 4 khế; tơdroăng mơhnhôk tơ’noăng pro Troăng kơxái on lơtrik 500kV 3 troăng ing Quảng Trạch tơdjêp ƀă Phố Nối, Troăng kơxái 500kV ing Lào Cai troh Vĩnh Yên...

Ngế pro xiâm hnê ngăn tơnêi têa tối nhên kal po rơdâ mâu tíu ki tro, pro tơdroăng mơhnhôk; malối kal hbrâ tơkŭm po Hneăng hôp tơ’noăng pâ nhoăm tơnêi têa rôh má 11 a khế 12 la ngiâ tơxâng ƀă hnoăng mơnhông cheăng kâ- rêh ối 5 hơnăm hdrối dêi tơnêi têa.