VOV4.Xơ Đăng - Tơbâ 115 hơnăm Hâi kot mâ pôa Trường Chinh, kăn xiâm pơkuâ hnê ngăn cheăng Đảng hâi lơ (09/02/1907-09/02/2022), mê kơxo lơ 9/2, Học viện Chính trị Quốc gia Hồ Chí Minh tơkŭm po rôh tơpui tơno Khoa hok: Pôa Trường Chinh, Kăn pơkuâ hơ’lêh nếo, rơkê. Mâu rơkong ki veăng tơpui tơno a Rôh hôp pơtối châ tối nhên: Pôa Trường Chinh cho kăn pơkuâ ki kơhnâ rơkê dêi Đảng ƀă Tơnêi têa, ngế hok tro rơkê dêi Hồ Chí Minh.

Môi tung mâu ngế pleăng hnoăng cheăng rơkê dêi pôa cho tung pơla rơtế ƀă Tíu xiâm Đảng tí tăng, pơkâ tơdroăng cheăng xiâm ƀă chiâng ngế ki kơchuâ chêh ăm hnoăng cheăng hơ’lêh nếo tâi tâng a Việt Nam, tung mê, cho hriăn ngăn, hơ’lêh nếo hiâm mơno ‘na cheăng kâ. 81 hơnăm, 60 hơnăm pêi cheăng kăch măng, pôa Trường Chinh hiăng ai hên tơdroăng veăng kum ă hnoăng cheăng kăch măng dêi Đảng ƀă kuăn pơlê.

Katarina Nga tơplôu ƀă tơbleăng