Tơpui a rôh trâm mâ, pôa Đỗ Văn Chiến, Kăn xiâm hnê ngăn Vi ƀan Măt trâ̆n Tơnêi têa Việt Nam pơtroh rơkong mơnê troh mâu vâi pú kong têa ê hiăng tŏng gum ăm tơdroăng cheăng tơplâ tơleăng lĕm hdroâng mơngế, pro tơnêi têa tơrŭm môi, mơjiâng ƀă rak vế Tơnêi têa Việt Nam.

Việt Nam dế mơ-eăm troh hơnăm 2030 cho tơnêi têa mơnhông, ai tơdroăng cheăng kơmăi kơmok rơkê plĕng, pêi châ liăn hên, troh hơnăm 2045 cho tơnêi têa mơnhông, pêi châ liăn hên vâ pêi châ tơdroăng pơkâ mê, pôa Đỗ Văn Chiến tối nhên, Đảng, Tơnêi têa ƀă Kuăn pơlê Việt Nam môi tuăn, tŏng gum kơhnâ khât, tơƀrê dêi mâu vâi pú kong têa ê tung tâi tâng mâu kơvâ cheăng.

Rôh kố, pôa Đỗ Văn Chiến hiăng diâp Mê dái Hữu nghị ƀă Ƀâng khê̆n kơdeăn dêi Ngế pro xiâm hnê ngăn Chin phuh ăm mâu khu tơrŭm ƀă ngế krê vâ tơmâng xo tơdroăng ki veăng gum kơhnâ dêi mâu vâi pú kong têa ê ƀă Việt Nam.