VOV4.Xơ Đăng - Rơtế ƀă lâp tơnêi têa, kơxo lơ 16/2, vâ chê 9 rơpâu ngế rơtăm ki rơkê a 5 to kong pơlê kơpong Tây Nguyên hiăng lăm pro lêng, pêi pro hnoăng cheăng rak vế Tơnêi têa. Tung mê, kong pơlê Dak Lak ai 2 rơpâu 500 ngế rơtăm lăm pro lêng, 427 ngế rơtăm pêi pro hnoăng cheăng kŏng an. Kong pơlê Lâm Đồng ai 1.150 ngế rơtăm lămpro lêng. Kố cho mâu rơtăm ki rơkê châ rah xo sap ing 12 tơring, pơlê kong kơdrâm tung kong pơlê. Leh pơcháu ƀă tơdah xo lêng hiăng po kân krip a mâu tơring, cheăm, rak tơniăn ƀă ai pơxúa.

Leh pơcháu ƀă tơdah xo lêng tơniăn lĕm tung tơdroăng ki vâ hbrâ mơdât pơreăng

Kong pơlê Dak Nông ai lối 1 rơpâu ngế kuăn pơlê lăm pro lêng; tung mê vâ chê 900 ngế pro mố đô̆i, lối 100 ngế pêi hnoăng cheăng kŏng an, tung mê ki hên rơtăm cho kuăn pơlê hdroâng kuăn ngo. Kong pơlê Gia Lai rôh kố ai 2.656 ngế rơtăm pro mô đô̆i, tung mê lối tơdế cho hdroâng kuăn ngo, ƀă ai 22 ngế cho đảng viên.

Katarina Nga tơplôu ƀă tơbleăng