Hneăng tơ’noăng tơ’mot hên 8 khu veăng tơ’noăng dêi mâu kong pơlê Tơdế tơnêi têa - Tây Nguyên, mê cho: Nghệ An, Thanh Hóa, Quảng Trị, Thừa Thiên Huế, Quảng Nam, Quảng Ngãi, Kon Tum ƀă Dak Lak. Mâu khu ki veăng tơ’noăng mê tơ’noăng a 3 tơdroăng mê cho, kơ êng: tơleăng tơdroăng trâm ƀă pro pơro pơxá hbrâ mơdât tơhôu, tôu pâm dêi rơpó tung rơpŏng hngêi. Khu tơkŭm po tơ’noăng hiăng diâp 1 pri ối má môi, 2 pri ối má 2, 3 pri ối má 3 ƀă 2 pri chuyên đề ăm mâu khu.

Tiô tơdroăng hiăng klêi séa ngăn dêi tơnêi têa ‘na tơhôu, tôu pâm dêi rơpó ƀă vâi kơdrâi , vâi hdrêng a Việt Nam hơnăm 2019 ăm hlo, ki iâ gá rêm hâi ai 64 ngế kơdrâi ƀă 10 ngế hdrêng cho mâu ki tro tôu pâm, ‘nêk mơ’nêa. Riân tung 3 ngế kơdrâi mê ai vâ chê 1 ngế (32%) tro kơnốu tôu pâm lơ mơ’nêa pro tơdroăng on veăng kơdrâi kơnốu.

Klêi rôh tơ’noăng, Khu tơkŭm po púi vâ, mâu ngế vâi kơdrâi kô cho môi ngế tối tơbleăng, hnê tối khât ăm kuăn pơlê ‘nâi ‘na tơdroăng hbrâ, mơdât tơhôu, tôu pâm dêi rơpó tung rơpŏng hngêi, pôi tá pơrah pơla kơdrâi ƀă kơnốu, mơjiâng môi khu kuăn pơlê “tơniăn, oh tá pơrah ngế ki lâi’’ ôh tá tơhôu tôu pâm, ôh tá ‘nêk mơ’nêa ƀă vâi kơdrâi ƀă vâi hdrêng’’.