Ing mê, kong pơlê Gia Lai pơkâ thế tah 5 tíu pêi cheăng mê cho: Tíu pêi cheăng ngăn troăng prôk rơxế kơtâu, Tíu pêi cheăng ngăn ‘na Pơkâ hdró ƀă ‘no liăn mơjiâng tơmeăm khoăng, Tíu pêi cheăng ăm ‘nâi mâu tơdroăng nếo ai hyôh rơ’jiu, Tíu pêi cheăng ngăn cheăng pêi – Mô đô̆i tro rong ƀă rêh ối pơlê pơla.

Tíu pêi cheăng kum Vi ban kong pơlê tăng ‘nâi plĕng mâu tơdroăng cheăng. Pakĭng mê, mơjiâng 2 tíu pêi cheăng cho: Tíu pêi cheăng ngăn Kuăn ngo ƀă Tơdroăng loi tĭng, tiô khôp; ƀă Tíu pêi cheăng ngăn ‘na chiâk deăng ƀă Hyôh kong prâi, tơnêi tíu. Tơdroăng pâ thế mê ngăn a tơdroăng Pơkâ kơxô̆ 18-NQ/TW vâ pơhlêh nếo, pro rế lĕm rah iâ tê mơngế pêi cheăng ton hơnăm ăm tơnêi têa ƀă Mơgêi xô̆ 50-KL/TW dêi Khu xiâm kal kí, vâ kơdroh ki tơvâ tơvân hnoăng cheăng pêi tâk ki tơƀrê tung tơdroăng cheăng ki kal ƀă ‘nâi kơdĭng liăn.

Vi ƀan kuăn pơlê dêi kong pơlê tối tơdroăng xing xoăng pro rế lĕm kô pêi nhên, rak tơniăn hnoăng ki pơxúa dêi kăn ƀô̆, mâu ngế pơkuâ mâu kơ koan ƀă ôh tá pro pá  tro pơtê tơdroăng rak ngăn, pơkuâ mê.