Klêi kơ’nâi hâi hâi tơdế, kơxo lơ 29/9, Vi ƀan pơkuâ cheăng Kuô̆k hô̆i mơgêi Rôh hôp má 49, hiăng séa ngăn 34 tơdroăng ki kal, tung mê ai 13 tơdroăng tơkêa luât hbrâ ăm pơtroh ăm Kuô̆k hô̆i tơbleăng a Hneăng hôp má 10. Pôa Trần Thanh Mẫn, Kăn xiâm hnê ngăn Kuô̆k hô̆i pơkâ thế mâu kơ koan rĕng tơdah xo tŭm mâu rơkong tơpui ki hiăng môi tuăn, chêh pro klêi hlá mơ-éa pơchuât tơbleăng pơtroh ăm kăn Kuô̆k hô̆i tro hâi pơkâ.

Hneăng hôp má 10, hneăng hôp má mơ’nui dêi Kuô̆k hô̆i hneăng 15, ai hên tơdroăng cheăng, rế séa ngăn mâu tơdroăng kal tiah hmâ, rế mơgêi hneăng cheăng ƀă tơbleăng hên tơdroăng pơkâ ki kal pơkâ troăng tơmiât pêi hneăng hơnăm ki nếo. Tiô tối hdrối, Kuô̆k hô̆i kô séa ngăn tơbleăng vâ chê 50 tơdroăng tơkêa luât, tơdroăng pơkâ, tung mê, ai hên tơdroăng pơkâ ki kal vâ pro pơhlêh teăm tơdrêng mâu troăng hơlâ nếo pêi cheăng dêi Tơnêi têa ‘na hnê hriâm, khăm pơlât ƀă mot tơrŭm lâp plâi tơnêi.