VOV4.Xơ Đăng - Hâi lơ 1/3, a Hngêi Kuô̆k hô̆i, Vi ƀan luât dêi Kuô̆k hô̆i hiăng hôp Rôh hôp tâi tâng rôh má 4, ăm rơkong tơpui tối ‘na kơxop hlá mơéa Luât pơkâ, hlá mơéa Hngêi tơleăng kuăn pơlê séa ngăn pơkâ tơdroăng ki ăm ngế ki pâk xúa ma tŭi sap ing 12 troh pá xôp 18 hơnăm mot tung tíu ki mơgât pâk xúa ma tŭi ki pơklât thế. Tiô pơkâ dêi Luât Hbrâ mơdât pâk chik xúa trếo ma tŭi mê hnoăng pơkuâ pơkâ ăm ngế ki hmâ pâk xúa trếo ma tŭi sap ing 12 troh pá xôp 18 hơnăm mot tung tíu ki mơgât ki pơklât thế xua Hngêi tơleăng kuăn pơlê râ tơring séa ngăn, pơkâ. Laga, tơdroăng, hlá mơéa kố tá hâi châ pơkâ nhên. Luât Hbrâ mơdât pâk chik xúa trếo ma tŭi tối nhên, Vi ƀan pơkuâ Kuô̆k hô̆i pơkâ hlá mơéa Hngêi tơleăng kuăn pơlê séa ngăn, pơkâ thế tơdroăng ki ăm ngế ki hmâ pâk chik xúa trếo ma tŭi tro 12 hơnăm troh pa xôp 18 mot tung tíu ki mơgât pâk chik xúa trếo ma tŭi ki pơklât thế. Ƀă mâu tơdroăng ki mê, mâu kăn tối tiah kố, tơdroăng pơkâ, hlá mơéa Hngêi tơleăng kuăn pơlê séa ngăn, pơkâ tơdroăng ki ăm ngế ki pâk chik xúa trếo ma tŭi hiăng châ 12 hơnăm troh pá xôp 18 hơnăm mot tung tíu ki mơgât ki pơklât thế cho kal khât.

Katarina Nga tơplôu ƀă tơbleăng