Ăm veăng tối ‘na tơdroăng mê, pôa Trần Thanh Mẫn Kăn xiâm hnê ngăn Kuô̆k hô̆i vâ môi tuăn ƀă tơdroăng chêh tơbleăng séa ngăn  dêi Vi ƀan Lêng kring tơniăn ƀă tơpui kâ xuân rak inâi môi tiah ton; hlối tối tiah kố, tơdroăng tơkêa bro pơkâ ‘na tơdroăng kal nôkố, tung pơlaro xôi ‘na hyôh kong prâi dế rơ iô, tơdjâk ó troh ivá kuăn pơlê, ki mơnhông krá ton ƀă kring tơniăn ôh tá tiah hmâ ing nah.

Kăn xiâm hnê ngăn Kuô̆k hô̆i tối pơchân, kal thế ‘mâi hơ’lêh tơdrêng khu khu kăn tiô túa nếo môi tiah: tơ’nôm pơkâ pơcháu hnoăng cheăng hdrối nah cho râ tơring vêh a râ cheăm lơ ƀơ rô kăn sát rak ngăn hyôh kong prâi dêi kong pơlê, ƀă luât kơjo kum kih thuâ̆t xô̆ vâ tơniăn tung séa ngăn a cheăm, ‘mâi hơ’lêh mâu khu kăn sát rak ngăn hyôh kong prâi a cheăm bêng ki ối tung kŏng an cheăm, tơkŭm séa ngăn a cheăm bêng, vâ kơdroh tíu ki oh tá ai klâi, mơdêk pêi tơƀrê tơleăng mơnhên pơxâu mâu ki pro xôi kŭn,  ki iâ  a cheăm bêng.