VOV4.Xơ Đăng - Kơxo lơ 10/3 Vi ƀan pơkuâ cheăng Kuô̆k hô̆i pơxiâm po hneăng hôp tiah hmâ roh má 9. Ki tơxâng vâ tối, a hneăng hôp mê, Vi ƀan pơkuâ cheăng Kuô̆k hô̆i kô mơdoh 1 hâi pêi cheăng vâ tơkŭm pêi tơdroăng kơ-êng tiô tối hdrối a hâi lơ 16/3. Kố cho rôh kơ-êng ki apoăng dêi Vi ƀan pơkuâ cheăng  Kuô̆k hô̆i hneăng 15. Ing mê, kô ai 2 khu kơ-êng châ mơnhên tơdroăng tê mơdró ƀă tơmeăm khoăng ƀă hyôh kong prâi.

Tơdjâk troh tơdroăng tê mơdró, tơdroăng kơ-êng tơkŭm a tơdroăng pêi pro, rôe tơmeăm ing kong têa ê, rôe ‘măn têachâu têa kơxăng; tơdroăng pơkuâ ‘na têa châu têa kơxăng, tơdroăng pơkuâ têa kơxăng tung pơla hdrối kố nah. ‘Na tơmeăm khoăng ƀă hyôh kong prâi, tơdroăng kơ-êng tơkŭm a tơdroăng pêi tiô pơkâ ‘na kơ-êng ƀă séa ngăn tơdroăng dêi Kuô̆k hô̆i tơdjâk troh pơkâ, rak ngăn xúa tơnêi a kơphô̆.

Gương tơplôu ƀă tơbleăng