Tơdroăng tơkêa ‘no liăn pro troăng rơxế lơ treng Lào Cai - Hà Nội - Hải Phòng ai tíu pơxiâm cho tíu tơdjêp troăng meăm tơkâ tơkăng kong pơla tơraih Lào Cai ƀă tơraih Hà Khẩu Bắc (Sinuâ), tíu cho a kơpong tơraih Lạch Huyện, Hải Phòng. Ki xŏn dêi troăng xiâm kố cho 391 km ƀă 3 to troăng ki kŭn dâng 28km.

Tơdroăng tơkêa pro troăng kố prôk tơkâ luâ 9 to kong pơlê, pơlê kong kân, mê cho: Lào Cai, Yên Bái, Phú Thọ, Vĩnh Phúc, Hà Nội, Bắc Ninh, Hưng Yên, Hải Dương ƀă Hải Phòng. Tâi tâng kơxô̆ liăn ‘no dâng 203.230 rơtal, ƀă túa ki ‘no liăn pro tơdjuôm. Mơ-eăm troh hơnăm 2030 kô pro klêi. A rôh hôp, pôa Trần Thanh Mẫn, Kăn xiâm hnê ngăn Kuô̆k hô̆i môi tuăn tơdroăng ki kal pơkâ troăng ‘no liăn cheăng pro troăng rơxế lơ treng Lào Cai - Hà Nội - Hải Phòng.

Kăn xiâm hnê ngăn Kuô̆k hô̆i pơchân tơkŭm pêi pro nhên túa pơkâ kơchuâ chêh, túa pơkâ ƀă tơdroăng ki ‘no liăn pro. Pơkâ thế séa ngăn nhên, rah xo túa troăng prôk tơdrăng rak vế tơdjêp dêi tơdroăng tơkêa ƀă troăng rơxế lơ treng tơnêi têa, troăng rơxế lơ treng kơphô̆, troăng prôk ki ê; kơdroh iâ tơdroăng ki prôk tơkâ luâ kơpong tíu kuăn pơlê rêh ối.