VOV4.Xơ Đăng -Pơtối tơdroăng dêi rôh hôp má 8, tung rôh pêi cheăng a kơxo lơ 16/2, Vi ƀan pơkuâ cheăng Kuô̆k hô̆i vâ môi tuăn ƀă tơdroăng pơkâ ‘na hnoăng cheăng, tơdroăng cheăng pêi, hnoăng pơkâ ƀă tơdroăng xing xoăng khu pêi cheăng dêi khu kăn vâ pêi tiô pơkâ pơ’lêh nếo tơkŭm, pêi tơ-ƀrê tơdroăng cheăng dêi Kuô̆k hô̆i, mâu kơ koan dêi Kuô̆k hô̆i. Vi ƀan pơkuâ cheăng Kuô̆k hô̆i tối tiah kố, tơdroăng tơ’nôm hnoăng cheăng, hnoăng pêi ki nếo tối kơpêng mê a tung hlá mơ-éa Pơkâ cho tơtro ƀă tơdroăng ki ai khât ƀă tơdroăng pâ thế ƀă tơdroăng cheăng kăn ƀô̆.

Tâ tá rôh hôp 

Pakĭng mê, môi tuăn pâ thế Tơdroăng cheăng mâu kăn pơkuâ tung tơdroăng cheăng mê vâ tơtro ƀă tơdroăng púi vâ pêi cheăng dêi kăn ƀô̆ ƀă kơlo thâ pêi tơdroăng cheăng mê tiô pơkâ  dêi luât săm phoăng săm tơkêng. mâu ngế tung Vi ƀan pơkuâ cheăng Kuô̆k hô̆i xuân pâ thế, tơ’nôm mâu tơdroăng ti tăng ‘nâi plĕng, tơkŭm pêi tơdjâk troh tơdroăng cheăng rak ngăn kăn ƀô̆ ƀă mâu kăn Kuô̆k hô̆i cheăng pơkuâ.

Gương tơplôu ƀă tơbleăng