VOV4.Xơ Đăng -   Pơtối hôp roh má 9, kơxo lơ 24/3, Vi ƀan pơkuâ cheăng Kuô̆k hô̆i séa ngăn tơbleăng tơdroăng rôh apoăng dêi Khu séa ngăn chuyên đề “tơdroăng pêi pro luât pơkâ tŏng kum, luât pêi pro ‘nâi  kơdĭng , mơdât mơ’nhiê tê kơtê, pơla hơnăm 2016- 2021” ƀă pơkâ tơdroăng rah xo tíu pêi cheăng, kong pơlê vâ pêi lăm séa ngăn a tíu mơjiâng pro.

Chuyên đề séa ngăn “Tơdroăng pêi pro luât pơkâ tŏng kum, luât pêi pro ‘nâi  kơdĭng, mơdât mơ’nhiê tê kơtê, pơla hơnăm 2016- 2021” kô veăng ‘no hnoăng ki kal  tung tơdroăng kơdĭng liăn tơnêi têa ‘na mơngế, tơmeăm xúa, xúa mâu rơkê. Xua mê, tơdroăng ‘nâi nhên ki kal ƀă troăng rơhlâ séa ngăn nhên ƀă tơrêm Khu xiâm, kơvâ cheăng, kong pơlê; ‘nâi nhên tơdroăng ki ăm hlo mơ’nhiê liăn tơmeăm khoăng, kơ êng, ‘nâi mâu tơdroăng mê cho mâu tơdroăng châ kuăn pơlê tơmâng khât ƀă séa ngăn ing tơrêm khu ki lăm séa ngăn. Xuân tung hâi lơ 24/3 Vi ƀan pơkuâ cheăng Quốc Hô̆i séa ngăn, tơbleăng ing hlá mơ-éa pơkâ ‘na tơdroăng  kơ êng a hneăng hôp roh má 9.

Gương tơplôu ƀă tơbleăng