VOV4.Xơ Đăng - Pôa Vương Đình Huệ, Kăn xiâm hnê ngăn Kuô̆k hô̆i hiăng kĭ tơbleăng ăm pêi pro Pơkâ kơxô̆ 17 hơnăm 2022 dêi Vi ƀan pơkuâ Kuô̆k hô̆i hneăng má 15 ‘na kơxô̆ chôu pêi tơ’nôm tung 01 hơnăm, tung 01 khế dêi mơngế pêi cheăng tung pơla hbrâ, mơdât pơreăng COVID-19 rak pro tơniăn, mơnhông cheăng kâ – rêh ối pơlê pơla. Vi ƀan pơkuâ Kuô̆k hô̆i pơkâ mơngế xúa mơngế pêi cheăng ai kal vâ ƀă châ tơdroăng môi tuăn dêi mơngế pêi cheăng mê châ xúa mơngế pêi cheăng pêi tơ’nôm 200 chôu  laga ôh tá hluâ 300 chôu tung 1 hơnăm.

‘Na kơxô̆ chôu pêi tơ’nôm tung 1 khế, ngế xúa mơngế pêi cheăng chiâng xúa mơngế pêi cheăng pêi tơ’nôm ki vâ hên 300 chôu tung môi hơnăm ai tơdroăng kal vâ ƀă châ môi tuăn dêi mơngế pêi cheăng mê xúa mơngế pêi cheăng pêi tơ’nôm 40 chôu laga ôh tá hluâ 60 chô tung 1 khế. Tơdroăng pêi pro pơkâ ‘na kơxô̆ chôu pêi tơ’nôm a Pơkâ kố thế pêi tiô tŭm mâu pơkâ ki ê ai tơdjâk dêi Khu xiâm pơkuâ cheăng pêi. Pơkâ kố xêt khât pêi pro sap hâi lơ 1/4/2022.

A Sa Ly tơplôu [ă tơbleăng