VOV4.Xơ Đăng - Pơtối tơdroăng hôp tơbleăng má 9, lơ 14/3, Vi ƀan pơkuâ Kuôk hô̆i tơmâng khu kăn séa ngăn tơdroăng tối tơbleăng rôh apoăng ‘na “Tơdroăng pêi mâu pơkâ dêi Vi ƀan pơkuâ cheăng Kuôk hô̆i ‘na tơdroăng xing xoăng mâu tíu pêi cheăng râ tơring, râ cheăm” ƀă “tơdroăng pêi pro tiô luât ‘na tơdah kuăn pơlê ƀă tơleăng săm phoăng săm tơkêng”.

3 hơnăm hdrối, lâp tơnêi têa  hiăng kơdroh châ 3 rơpâu 347 kơ koan râ cheăm ƀă 429 kơ koan râ tơring; kơdroh châ 706 ngế kăn ƀô̆, kŏng chưk râ tơring, 9.694 ngế kăn bô̆, kŏng chưk râ cheăm ƀă 8.448 ngế pêi cheăng ôh tá hmâ pêi môi tơdroăng ki mê, a râ cheăm.

Pơla hơnăm 2019-2021 hiăng kơdĭng lối 2 rơpâu rơtal liăn, ing mê, hiăng ai tơ’nôm liăn ‘no mơjiâng tơmeăm khoăng vâ mơnhông cheăng kâ - rêh ối, pêi tơdroăng xut tah kơdroh kơklêa, xăm kơtiê, mơjiâng thôn pơlê nếo, veăng mơdêk pêi tơdrêng mâu pơkâ rak tơniăn tung rêh ối, mơdêk tơ-ƀrê tơdroăng rêh ối kuăn pơlê. Tơdroăng pêi  pro tơdah kuăn pơlê ƀă tơleăng mơnhên săm phoăng, săm tơkêng ăm hlo kơxô̆ mơngế troh a kơ koan xiâm tơnêi têa vâ săm phoăng, săm tơkêng, pâ thế, tơtrâ tâk hên; kơxô̆ tơdroăng cheăng râ kơpong tơleăng mơnhên dêi kơ koan tơnêi têa rế kơdroh.  

Gương tơplôu ƀă tơbleăng