Ƀơrô Kuô̆k hô̆i tối ăm ‘nâi, Roh hôp má péa dêi Vi ƀan Pơkuâ Kuô̆k hô̆i tơkŭm po tung kơxo lơ 11/5/2026, a kơbong hôp Tân Trào, Hngêi Kuô̆k hô̆i. Pôa Trần Thanh Mẫn, Kăn xiâm hnê ngăn Kuô̆k hô̆i xông tơpui pơxiâm po ƀă rơtế mâu Phŏ Kăn xiâm hnê ngăn Kuô̆k hô̆i teăng dêi pó pơkuâ tơdroăng xiâm Roh hôp.

A roh hôp kố, Vi ƀan pơkuâ Kuô̆k hô̆i kô mơnhên, tơbleăng ăm pêi pro Luât ‘mâi rơnêu tơ’nôm mâu troăng dêi Luât tơmot chiâng môi mơ-éa pơkâ luât. ‘Na tơdroăng séa ngăn, Vi ƀan pơkuâ Kuô̆k hô̆i kô séa ngăn tơbleăng tơdroăng cheăng kuăn pơlê tơpui, pói vâ dêi Kuô̆k hô̆i khế 3 ƀă khế 4/2026. A roh hôp, Vi ƀan pơkuâ Kuô̆k hô̆i kô mơgêi Hneăng hôp má Môi ƀă tơpui troăng apoăng ‘na tơdroăng hbrâ Hneăng hôp má 2, Kuô̆k hô̆i hneăng má XVI.