VOV4.Xơ Đăng - Kơxo lơ 23/2, a pơlê kong kân Cần Thơ, Vi ƀan séa ngăn Tơnêi têa tơkŭm po Rôh hôp tơbleăng pơkâ mơjiâng Khu ki pơkuâ ngăn Kơpong 8; tơbleăng xing xoăng tíu kố séa ngăn ối tung Kơpong 8. Tiah mê, Khu ki pơkuâ ngăn Kơpong 8 ai tíu pêi cheăng a kơxô̆ 41 troăng Châu Văn Liêm, bêng Tân An, pơlê krâm Ninh Kiều, pơlê kong kân Cần Thơ xua pôa Nguyễn Thanh Sơn pro kăn pơkuâ kơpong kố. Khu ki pơkuâ ngăn Kơpong 8 châ xing xoăng pơkuâ séa ngăn mâu tơring, cheăm ối tung kơpong tơbăng kroăng Cửu Long cho: Cần Thơ, Đồng Tháp, An Giang, Tiền Giang, Bến Tre, Vĩnh Long, Trà Vinh, Hậu Giang, Sóc Trăng, Kiên Giang, Cà Mau, Bạc Liêu ƀă Đảng ủy quân khu 9.

Pêi cheăng sap ing hâi lơ 10/2/2022. Hdrối mê, apoăng chôu kơxo, Khu ki pêi dêi hnoăng cheăng dêi Vi ƀan séa ngăn Tơnêi têa, xua jâ Trần Cẩm Tú pơkuâ djâ troh chôu nhăng, pêt loăng châu vế a Tíu xối tơbâ Pơtáu Hùng a pơlê krâm Bình Thủy, Cần Thơ.

Katarina Nga tơplôu ƀă tơbleăng