VOV4.Xơ Đăng - Kơxo lơ 15/2, a Hngêi Kuô̆k hô̆i, pơxiâm po roh hôp roh má 8, Viƀan pơkuâ Kuô̆k hô̆i tơpui tung hên tơdroăng ki kal. Tơpui tung tơdroăng tơkêa bro Luât Kan sát ki troh lâp lu, mâu kăn teăng mâ tô tuăn drêng tơdroăng tơkêa bro Luât pơkâ Kan sát ki troh lăm lu chiâng mot tíu pêi cheăng, kơ koan, tíu pêi cheăng, tíu ối dêi ngế krê. Ƀă mâu ngế ki mot tung tíu pêi cheăng kơ koan teăng mâ tơpui kâ, kơ koan teăng mâ mơngế rêh ối a kong têa ê, kơ koan teăng mâ khu pêi cheăng lâp plâi tơnêi ƀă hía hé thế tiô pơkâ dêi luât Việt Nam ƀă tơdroăng tơkêa lâp plâi tơnêi.

Xông tơpui a roh hôp, pôa Vương Đình Huệ pơkâ thế khu kan sát ki troh lâp lu kal mơdêk tơdroăng ki troh lâp lu, ƀeăn ƀĕng rơkê, hbrâ tơplâ mơdât mâu tíu ki tô má môi. Pôa Vương Đình Huệ xuân pơkâ thế xing xoăng khu cheăng kố a mâu tíu ki ai tơdroăng tô má môi. Tơniăn tơdroăng pơkuâ hnê mơhno môi tuăn tung tơdroăng pơtroh khu kan sát ki troh lâp lu pêi cheăng.

A Sa Ly tơplôu ƀă tơbleăng