VOV4.Xơ Đăng -  Hlo ki tơ-ƀrê rôh mơnúa tơdah tơmối lâp plâi tơnêi troh ôm hyô, kơ’nâi lối 2 khế tơbleăng pêi pro, Khu xiâm ngăn mơhno túa lĕm tro tơ’noăng ivá ƀă ôm hyô hiăng môi tuăn bă mâu Khu xiâm kơvâ cheăng kong pơlê ‘na tơdroăng lôu péa ôm hyô lâp plâi tơnêi ing khế 5 la ngiâ. Riân ing khế 11/2021 troh nôkố, Việt Nam hiăng tơdah lối 8 rơpâu 500 ngế tơmối tung lâp plâi tơnêi troh ôm hyô a 3 to kong pơlê Phú Quốc, Khánh Hòa, Quảng Nam.

Tâi tâng tơmối ôm hyô drêng troh a Việt Nam xuân khĕn kơdeăn, tơdroăng tơdah tơmối tơniăn. Ing tơdroăng ki mê, Khu xiâm ngăn mơhno túa lĕm tro tơ’noăng ivá ƀă ôm hyô hiăng tối thế lôu péa ăm tơmối troh ôm hyô, tơdah tơmối lâp plâi tơnêi troh ôm hyô a Việt Nam ƀă djâ tơmối lăm ôm hyô kong têa ê ing khế 5/2022 ing tâi tâng mâu péa lâp plâi tơnêi tung pơla dế pro môi tiah hmê.

Tiô mâu khu mơdró tối, tơdroăng rĕng tơbleăng hâi lôu péa ôm hyô, mâu khu xiâm kơvâ cheăng pơtối tŏng kum mâu kong pơlê hbrâ rơnáu rah tíu vâ tơdah tơmối lâp plâi tơnêi.

Gương tơplôu ƀă tơbleăng