A rôh hôp, Ngế pro xiâm hnê ngăn tơnêi têa khĕn kơdeăn ki mơ-eăm ƀă tơdroăng hiăng pêi châ tơƀrê tung tơdroăng tơkâ luâ xơpá xua hyôh ‘mêi ing ƀom mìn tung 15 hơnăm hdrối nah; tối mơnê kơ Chin phuh mâu kong têa, mâu khu tơrŭm cheăng lâp plâi tơnêi hiăng rơtế ƀă Việt Nam tung mâu hâi pêi pro tơdroăng tơkâ luâ hyôh ‘mêi rơxông tơplâ nah, tơkâ luâ ki ‘mêi dêi ƀom mìn.

Ngế pro xiâm hnê ngăn tơnêi têa pơkâ thế tung la ngiâ kố nah kô mơdêk rĕng tơdroăng pêi pro tơkâ luâ ki ‘mêi dêi ƀom mìn, pêi tơƀrê pơkâ troh hơnăm 2045 kô pro lĕm tâi tâng a ƀăng tơnêi ki ai hyôh ‘mêi ing ƀom mìn troh ki trâu tung tơnêi 0,5m; pâ thế Khu xiâm ngăn liăn ngân ‘măn kơdĭng liăn, tơkŭm pêi tơdroăng tơkâ luâ xơpá ‘na ƀom mìn.

Mơdêk tơdroăng cheăng tăng ‘nâi plĕng, xúa ứng dụng mâu hnoăng hiăng châ pêi pro dêi khoa hok ƀă kơmăi kơmo rơtế ƀă pơ’lêh kơxô̆; mơdêk tơdroăng cheăng hơ’lêh tung tơnêi têa, troh pro xiâm kong ngê̆ hrik tah ƀom mìn.