Péa pâ tối phiu ro hlo mâu tơdroăng mơnhông tung tơrŭm cheăng tiah hmâ ton nah ƀă tơrŭm tung tŭm tơdroăng cheăng pơla Việt Nam - Rusi tung pơla hdrối kô hía nah. Pôa Trần Thanh Mẫn pơkâ thế Duma kong têa Rusi pơtối tơrŭm krá khât ƀă Kuô̆k hô̆i Việt Nam, tối mâu túa mơjiâng “Kuô̆k hô̆i rơkê plĕng’’, kơjo kum pê klêi yă pơkâ ƀă tah ki tơvâ tơvân tơdroăng pơkâ tơrŭm cheăng.

Péa pâ vâ môi tuăn mơdêk tơrŭm cheăng kâ, tê mơdró, ‘no liăn cheăng, ivá cheăng, khoa hok-kơmăi kơmok, hnê hriâm-hnê mơjiâng tuăn ngôa rơkê, túa lĕm tro ƀă trâm tơpui tơno ƀă kuăn pơlê.

Pôa Volodin tối Duma Rusi hbrâ vâ po rơdâ mâu luât tơrŭm cheăng ki nếo, kơjo kum pê mâu kơvâ cheăng Rusi ki ai rơdêi, hlối mơhnhôk hnê nâl Xuăn a kong têa Rusi ƀă hnê rơkong Rusi a Việt Nam, veăng ‘mâi mơnhông tơrŭm tung tŭm tơdroăng cheăng.