VOV4.Xơ Đăng - Pôa Phạm Minh Chính, Ngế pro xiâm hnê ngăn tơnêi têa nếo pơkuâ hneăng hôp pêi pro tiô tơhrâ dêi Việt Nam a hneăng  hôp roh má 26 rêm pâ veăng Tơhrâ dêi Việt Nam a hneăng hôp roh má 26 rêm pâ veăng Tơhrâ dêi Khu lâp kong têa ‘na pơ’lêh hyôh kong prâi COP26. Tơbleăng a hneăng hôp Khu lâp kong têa, pôa Phạm Minh Chính tối nhên, tơdroăng ‘na hbrâ ví hyôh kong prâi pơ’lêh, kơdroh mơ’no hyôh carbon, mơnhông mơdêk cheăng kâ cho tơdroăng pơkâ ki kân dêi kuăn pơlê tung lâp plâi tơnêi. Kố cho tơdroăng tung lâp plâi tơnêi thế ai tơdroăng ki achê ƀă lâp plâi tơnêi, kal veăng tâi tâng mâu kong têa.

Hneăng hôp tơpui tơno

Pakĭng mê, Ngế pro xiâm hnê ngăn tối nhên hnoăng cheăng dêi mâu khu xiâm, kơvâ cheăng, kong pơlê tung tơdroăng tơhrâ; thế ‘na tuăn mơno thế hlê plĕng môi tuăn, mơ-eăm tâ nếo ƀă pêi pro kơtăng, ai tơdroăng ki kal, pêi cheăng ki klêi tơdroăng cheăng ki mê.

A Sa Ly tơplôu ƀă tơbleăng