VOV4.Xơ Đăng - Tiô rơkong krếo thế dêi pôa Halimah Yacob, Kăn xiâm pơkuâ kong têa Singapore, pôa Nguyễn Xuân Phúc, Kăn xiâm hnê ngăn tơnêi têa pin ƀă kơdrâi pôa pơkuâ djâ khu kăn xiâm Việt Nam lăm pôu râ Kăn xiâm tơnêi têa  troh a Singapore ing hâi lơ 24 - 26/2. Kố cho hneăng lăm pôu râ Kăn xiâm tơnêi têa ki apoăng dêi môi ngế kăn xiâm kong têa troh a Singapore riân sap ing ai pơreăng kân  COVID-19 pơxiâm tâ tú apoăng hơnăm 2020, xuân cho hneăng lăm pôu ki apoăng dêi Kăn xiâm hnê ngăn tơnêi têa xuân môi tiah mâu kăn xiâm Việt Nam lăm troh a kong têa ê tung hơnăm 2022. Hneăng lăm pôu kô pro xiâm ki rơdêi vâ mơhnhông tơrŭm cheăng  pơla péa tơnêi têa, malối tơrŭm ‘mâi mơnhông cheăng kâ pơla péa tơnêi têa, ing mê thăm krá tơniăn tâ nếo tơdroăng tơrŭm cheăng pơla Việt Nam - Singapore.

Troh nôkố, Singapore cho 1 tung 3 kong têa ki kân má môi a Việt Nam,  kơxô̆ liăn châ xo 66 rơtal dollars ƀă vâ chê 2 rơpâu 900 tơdroăng tơkêa bro. Kơpong hngêi kơmăi Việt Nam - Singapore cho môi tơdroăng ki pơtih tung tơrŭm cheăng pơla péa tơnêi têa ƀă troh nôkố, kơxô̆ liăn dêi Singapore ‘no cheăng a mâu hngêi kơmăi a Việt Nam hiăng tâk troh 14 rơtal dollars.

Gương tơplôu ƀă tơbleăng