VOV4.Xơ Đăng - Pôa Lê Minh Khái, Ngế pro xiâm hnê ngăn tơnêi têa hiăng kĭ Pơkâ pơcháu Khu xiâm pơkuâ liăn ngân xing xoăng ôh tá xo liăn 7.820 tâ̆n phái ing kơxô̆ phái ‘măn kơdĭng tơnêi têa ăm mâu kong pơlê: Bình Định, Hà Giang, Dak Nông, Tuyên Quang, Dak Lak, Bình Phước, Quảng Trị, Kon Tum, Lạng Sơn, Lai Châu vâ tŏng kum ăm kuăn pơlê klăng roh Têtt lo hơnăm nếo Nhâm Dần ƀă drêng tá hâi troh rơnó pôe xo báu apoăng hơnăm 2022.

Ngế pro xiâm hnê ngăn tơnêi têa pơkâ Khu xiâm pơkuâ liăn ngân, Khu xiâm pơkuâ cheăng pêi – Mô đô̆i rong ƀă rêh ối pơlê pơla tơleăng nhên tiô pơkâ; pôu râng hnoăng cheăng ‘na tơdroăng ƀă tơdroăng tơbleăng. Vi ƀan mâu kong pơlê: Bình Định, Hà Giang, Dak Nông, Tuyên Quang, Dak Lak, Bình Phước, Quảng Trị, Kon Tum, Lạng Sơn, Lai Châu pôu râng hnoăng cheăng ‘na ki tơtro má môi dêi tơdroăng tơbleăng ƀă pêi pro tŏng kum teăm tơdrêng, tro mơngế, kơlo tiô pơkâ.

A Sa Ly tơplôu ƀă tơbleăng